今日做左樣已經好多年未做過既野

就係企o係超級巿場個海鮮櫃前面睇海鮮 = =

唔係睇佢地新唔新鮮靚唔靚

係睇佢地點樣自得其樂

睇到入哂神  差在未控個頭埋去貼住個缸

佢個櫃係一個大魚缸分成一個個小魚缸

中間一塊塊打直既玻璃間左好多個正方形空間出黎

睇睇下突然見到有隻五花大綁既青蟹想由蟹果格爬過去隔離蝦果格

見佢騎左o係中間塊玻璃上面唔上唔落

我睇睇下竟然有d肉緊 ._."...

我仲竟然白痴到忍唔住o係心裡面幫佢打氣 = ="

經過歷時五分鐘既考驗

佢真係成功埋左蝦果堆

仲要冇比賣魚佬發現

哈哈

但係問題係......連隻蟹都爬左過隔離喇
我阿嬤都仲未揀到買邊條魚 = =...